His Second Priority Kannada Novel Part-03/ದೇವರಿಗೂ ಕೇಳಿಸದ ಮೌನ

His Second Priority Kannada Novel Part-03
ದೇವರಿಗೂ ಕೇಳಿಸದ ಮೌನ
ದೇವರಿಗೂ ಕೇಳಿಸದ ಮೌನ
"ಹಾಯ್ ಓದುಗರಿಗೆಲ್ಲರಿಗೂ ನಿಮ್ಮ ಚಾಣಕ್ಯ ಕಣಜ ಮಾಡುವ ಆದರದ ನಮಸ್ಕಾರಗಳು. 🙏 ಚಾಣಕ್ಯ ಕಣಜದ ಅಂಗಳಕ್ಕೆ ತಮಗೆಲ್ಲರಿಗೂ ಆತ್ಮೀಯ ಸ್ವಾಗತ. 💐💐 ಅಕ್ಷರಗಳ ಲೋಕದಲ್ಲಿ ಅರಳಿದ ಈ ಹೊಸ ಕಾದಂಬರಿಯ ಪುಟಗಳ ಪುಟ ತಿರುವುತ್ತಾ, ಕಥೆಯ ಆಳಕ್ಕೆ ಇಳಿಯಲು ಸಿದ್ಧರಾಗಿ. ಬನ್ನಿ, ಇಂದಿನ ವಿಶೇಷ ಅಧ್ಯಾಯ ನಿಮ್ಮ ಮುಂದಿದೆ..."
"ಅವನ ಹೆಂಡತಿ ಇಲ್ಲದ ಆ ಕೆಲವು ಕ್ಷಣಗಳಷ್ಟೇ ನಮ್ಮ ಪ್ರೀತಿ ಅರಳುವ ವಸಂತಕಾಲವಾಗಿತ್ತು. ಆದರೆ ಆ ವಸಂತ ಕೇವಲ ತಾತ್ಕಾಲಿಕವಾಗಿತ್ತು. ಅಷ್ಟರಲ್ಲೇ ಅವನ ಮತ್ತು ಅವನ ಹೆಂಡತಿಯ ಬದುಕಿಗೆ ಒಂದು ಪುಟ್ಟ ಗಂಡು ಮಗುವಿನ ಆಗಮನವಾಯಿತು. ನನ್ನ ಎದೆಯೊಳಗೆ ನೋವಿನ ಜ್ವಾಲಾಮುಖಿಯೇ ಸ್ಫೋಟಿಸಿದರೂ, ಅವನ ಮುಖದಲ್ಲಿ ಮಗುವನ್ನು ಕಂಡ ಆ ಸಂತೋಷದ ಮುಂದೆ ನಾನು ನನ್ನ ಕಣ್ಣೀರನ್ನು ಮರೆಮಾಚಿದೆ. ಅವನ ಎದುರು ಎಂದೂ ನನ್ನ ಒಂಟಿತನವನ್ನು ತೋರಿಸಿಕೊಳ್ಳಲಿಲ್ಲ.
ಆದರೆ ಕಾಲ ಚಕ್ರ ಉರುಳಿದಂತೆ, ವಿಧಿಯ ಆಟವೋ ಏನೋ... ಒಂದು ದಿನ ನನ್ನ ಒಡಲಲ್ಲೂ ಜೀವವೊಂದು ಮೊಳಕೆಯೊಡೆಯಿತು. ನಾನೂ ತಾಯಿಯಾಗುವ ಆ ಧನ್ಯತಾ ಕ್ಷಣ ಬಂದೇ ಬಿಟ್ಟಿತು.
ನನ್ನ ಗರ್ಭದಲ್ಲಿ ಅವನ ಮಗು ಬೆಳೆಯುತ್ತಿದೆ ಎಂಬ ಆನಂದದಿಂದ ನಾನು ವಿಷಯ ತಿಳಿಸಿದಾಗ, ಅವನ ಮುಖದಲ್ಲಿ ಪ್ರೀತಿಯಾಗಲಿ, ಜವಾಬ್ದಾರಿಯಾಗಲಿ ಕಾಣಿಸಲಿಲ್ಲ. ಬದಲಿಗೆ ಕೇವಲ ಭಯ ಮತ್ತು ಸ್ವಾರ್ಥ ಎದ್ದು ಕಾಣುತ್ತಿತ್ತು. ಅವನು ಕ್ರೂರವಾಗಿ ನನ್ನ ಕಣ್ಣೆದುರೇ ಪ್ರಶ್ನೆಗಳನ್ನು ಎಸೆದ:
‘ಈ ಮಗು ಬೇಡ... ಸಮಾಜದಲ್ಲಿ ನಾಳೆ ಮಗು ಅಪ್ಪ ಯಾರು ಅಂತ ಕೇಳಿದ್ರೆ ಏನು ಹೇಳ್ತೀಯ? ಈ ವಿಷಯ ನನ್ನ ಹೆಂಡತಿಗೆ ಗೊತ್ತಾದ್ರೆ ಅಷ್ಟೇ, ಅವಳು ಸತ್ತೇ ಹೋಗ್ತಾಳೆ! ನಾನು ಜೈಲು ಪಾಲಾಗ್ತೀನಿ... ನನ್ನ ಮಗ ಅನಾಥ ಆಗ್ತಾನೆ!’
ಅವನ ಮಾತುಗಳು ನನ್ನ ಎದೆಯನ್ನು ಸೀಳುತ್ತಿದ್ದವು. ನೊಂದ ಜೀವದಿಂದ ನಾನು ಅವನ ಕೈಗಳನ್ನು ಹಿಡಿದು ಬೇಡಿಕೊಂಡೆ: ‘ನನಗೂ ತಾಳಿ ಕಟ್ಟಿಬಿಡು. ನನಗೆ ಮಗು ಅಂದ್ರೆ ತುಂಬಾ ಇಷ್ಟ. ನಾನು ನಿನ್ನ ಸಂಸಾರಕ್ಕೆ ಎಂದಿಗೂ ತೊಂದರೆ ಮಾಡಲ್ಲ. ನಾನು ಎಲ್ಲೋ ದೂರದಲ್ಲೇ ಇರ್ತೀನಿ... ನಿನ್ನ ಹೆಂಡತಿ ಮಕ್ಕಳ ಜೊತೆ ನೀನು ಸುಖವಾಗಿರು. ನಿನಗೆ ಸಮಯ ಸಿಕ್ಕಾಗ ಯಾವಾಗಲಾದ್ರೂ ಬಂದು ನನ್ನನ್ನು, ನಮ್ಮ ಮಗುವನ್ನು ನೋಡಿ ಹೋಗು...’ ಎಂದು ಕಣ್ಣೀರು ಹಾಕಿದೆ.
ಆದರೆ ಅವನಿಗೆ ಅವನ ಗೌರವ, ಅವನ ಹೆಂಡತಿ ಮತ್ತು ಅವನ ಮಗ ಮಾತ್ರ ಮುಖ್ಯವಾಗಿದ್ದರೇ ಹೊರತು, ನನ್ನ ಒಡಲಲ್ಲಿ ಬೆಳೆಯುತ್ತಿದ್ದ ಕಂದಮ್ಮನ ಜೀವವಾಗಲಿ, ನನ್ನ ಪ್ರೀತಿಯಾಗಲಿ ಮಣ್ಣಿನ ಕಣದಷ್ಟೂ ದೊಡ್ಡದಾಗಿ ಕಾಣಲಿಲ್ಲ.
ನನ್ನ ನೂರಾರು ಕನಸುಗಳನ್ನು, ತಾಯಿಯಾಗುವ ಹಂಬಲವನ್ನು ಅವನು ತನ್ನ ಮಾತಿನ ಜಾಲದಿಂದ ಹೊಸಕಿ ಹಾಕಿದ. ನನ್ನನ್ನು ಕನ್ವಿನ್ಸ್ ಮಾಡಿ, ಬಲವಂತವಾಗಿ ನನ್ನ ಕೈಗೆ ಗರ್ಭಪಾತದ ಮಾತ್ರೆಗಳನ್ನು ಇಟ್ಟ. ನನ್ನದೇ ಕೈಯಿಂದ ನನ್ನ ಗರ್ಭದಲ್ಲಿದ್ದ ಆ ಪುಟ್ಟ ಜೀವವನ್ನು ನಾನೇ ಕೊಲ್ಲುವಂತೆ ಮಾಡಿದ. ಆ ಮಾತ್ರೆಗಳು ಕೇವಲ ನನ್ನ ಗರ್ಭವನ್ನು ಕರಗಿಸಲಿಲ್ಲ, ನನ್ನ ಬದುಕಿನ ಕೊನೆಯ ಆಸೆಯನ್ನೂ ಸುಟ್ಟು ಬೂದಿ ಮಾಡಿದವು.
ಇಂದು ಅವನ ಮಗು ಅವನ ಹೆಗಲ ಮೇಲೆ ಆಟವಾಡುತ್ತಿರಬಹುದು. ಆದರೆ ನನ್ನ ಒಡಲಲ್ಲಿ ಜೀವ ಕಳೆದುಕೊಂಡ ಆ ಮಗುವಿನ ಮೌನ ಆಕ್ರಂದನ ಸೃಷ್ಟಿಕರ್ತನಾದ ಆ ದೇವರಿಗೂ ಕೇಳಿಸಲಿಲ್ಲ, ನನ್ನದೇ ಮಗುವನ್ನು ನನಗೆ ಬೇಡವಾಗಿಸಿದ ಆ 'ನಲ್ಮೇಯ ಗೆಳೆಯನಿಗೂ' ಅರ್ಥವಾಗಲಿಲ್ಲ..."
"ತನ್ನ ಹೆಂಡತಿ ಮಕ್ಕಳ ಸುಖಕ್ಕಾಗಿ, ಈ ಗೆಳತಿಯ ಗರ್ಭದಲ್ಲಿದ್ದ ಮಗುವನ್ನೇ ಬಲಿ ಪಡೆದ ಗೆಳೆಯನ ಸ್ವಾರ್ಥಕ್ಕೆ ನೀವೇನು ಹೇಳುತ್ತೀರಿ? ಇದು ಪ್ರೀತಿಯೋ ಅಥವಾ ಬಲವಂತದ ತ್ಯಾಗವೋ? ನಿಮ್ಮ ಅನಿಸಿಕೆಯನ್ನು ಕಮೆಂಟ್ ಬಾಕ್ಸ್‌ನಲ್ಲಿ ಹಂಚಿಕೊಳ್ಳಿ..."
ನನ್ನ ಅಂತರಂಗದ ಭಾವನೆಗಳಿಗೆ ಅಕ್ಷರ ರೂಪ ನೀಡಿ ಬರೆದ ಈ ಕಾದಂಬರಿಯ ಮೂರನೆಯ ಸಂಚಿಕೆಯನ್ನು ಇಲ್ಲಿಯವರೆಗೆ ಓದಿದ ನಿಮ್ಮೆಲ್ಲರಿಗೂ ನನ್ನ ಹೃತ್ಪೂರ್ವಕ ನಮನಗಳು.
ಒಂದು ಸಾಹಿತ್ಯಿಕ ಪ್ರಯತ್ನಕ್ಕೆ ಬ್ಲಾಗ್ ಮೂಲಕ ಡಿಜಿಟಲ್ ವೇದಿಕೆ ಕಲ್ಪಿಸಿಕೊಟ್ಟಾಗ, ಅದನ್ನು ಅಷ್ಟೇ ಪ್ರೀತಿಯಿಂದ ಸ್ವಾಗತಿಸಿ ಓದುವ ನಿಮ್ಮಂತಹ ಓದುಗರೇ ನನ್ನ ಬರವಣಿಗೆಯ ಅತಿ ದೊಡ್ಡ ಶಕ್ತಿ. ನಿಮ್ಮ ಪ್ರತಿಯೊಂದು ಕಮೆಂಟ್ ನನಗೆ ಮುಂದಿನ ಭಾಗವನ್ನು ಇನ್ನು ಚೆನ್ನಾಗಿ ಬರೆಯಲು ಪ್ರೇರಣೆ ನೀಡುತ್ತದೆ.
ಈ ಕಥೆಯ ಬಗ್ಗೆ ನಿಮ್ಮ ಅನಿಸಿಕೆ, ಅಭಿಪ್ರಾಯಗಳನ್ನು ಕೆಳಗಿನ ಕಮೆಂಟ್ ಬಾಕ್ಸ್‌ನಲ್ಲಿ ಖಂಡಿತವಾಗಿ ಹಂಚಿಕೊಳ್ಳಿ. ನಿಮ್ಮ ಸಲಹೆಗಳಿಗಾಗಿ ನಾನು ಕಾಯುತ್ತಿರುತ್ತೇನೆ.
"ಮುಂದಿನ ಸಂಚಿಕೆಯ ಒಲವಿನೊಂದಿಗೆ ಮತ್ತೆ ನಿಮ್ಮ ಮುಂದೆ ಬರುವೆ"
ಇಂತಿ ನಿಮ್ಮ,
'ಮನಮೌನರಾಗಿ'

#KannadaNovels #ಕನ್ನಡಕಥೆಗಳು #EmotionalLoveStory #Heartbreak #UnspokenPain #KannadaWriters  #ಕನ್ನಡಕಾದಂಬರಿ #ಪ್ರೇಮಕಥೆ #ಮನಮೌನರಾಗಿ #ತನುವರಿತುಮನವರಿಯದನಲ್ಮೇಯಗೆಳೆಯ  #ಕನ್ನಡಬ್ಲಾಗ್  #KannadaStories



Basavaraj

I'm the founder and writer of Spardha Kranti, an educational platform started in 2021. With 5+ years of experience, I provide accurate job alerts, current affairs, and PDF study materials for competitive exam aspirants.

Post a Comment

Previous Post Next Post

Ad 1

Ad2

Telegram Group Join Now
WhatsApp Group Join Now